បើយករថយន្តលឿនបំផុតលើលោក មកបើកនៅស្រុកខ្មែរពីព្រំដែនម្ខាងទៅម្ខាងបើកតែជាង១ម៉ោងប៉ុណ្ណោះ

កំណត់ត្រារថយន្តល្បឿនលឿនដាច់គេលើ លោកប្រចាំឆ្នាំ ២០១៤ នេះរកឃើញដោយស៊េរី Hennessey Venom ប្រភេទ Supercar យ៉ាងទំនើបរត់បានចម្ងាយអតិបរមា ៤៣៥គីឡូម៉ែត្រ/ម៉ោង យកឈ្នះរថយន្ត Bugatti Veyron Super Sport ដែលរត់បាន ៤៣៤គីឡូម៉ែត្រ/ម៉ោង ជាប់លេខ១ខាងល្បឿនលឿនកន្លងមក។ ក្នុងល្បឿនរាប់រយគីឡូម៉ែត្រក្នុងមួយម៉ោងនេះ អាចនិយាយបានថា ពីព្រំដែនកម្ពុជា-វៀតណាម ទៅកម្ពុជា-ថៃ ប្រើពេលតែជាងមួយម៉ោងប៉ុណ្ណោះ ប្រសិនបើលក្ខខណ្ឌអំណោយផល។

រថយន្តរបស់ក្រុមហ៊ុនអាមេរិកដ៏ល្បី Hennessey នេះបំពាក់ម៉ាស៊ីន V8 twin-turbo ទំហំស៊ីឡាំងចំណុះ ៧លីត្រ ថាមពល ១.២៤៤សេះ។ Henenessey Venom ត្រូវបានចាត់ចូលជារថយន្តដែលមានល្បឿនលឿនបំផុតលើលោកបន្ទាប់ពី លទ្ធផលធ្វើតេស្តនៅមជ្ឈមណ្ឌល Kennedy Space សហរដ្ឋអាមេរិកកាលពីថ្ងៃទី១៤ កុម្ភៈកន្លងទៅនេះ។ ចង់ដឹង Hennessey Venom Supercar លៀនយ៉ាងណាទៅ សូមទស្សនាវីដេអូធ្វើតេស្តដូចខាងក្រោម៖