មើលម៉េចដឹងថាឆ្នាំងសាក iPhoneហ្ស៊ីន?
Info Post
ប្រិយមិត្តដែលកំពុងពិចារណាទិញទូរស័ព្ទ iPhone ជជុះភាគច្រើនមានការភ័យខ្លាចនិងគិតថាគ្រឿងដែលភ្ជាប់មកជាមួយ iPhone ជជុះដែលខ្លួនចង់ទិញនោះភាគច្រើនជាផលិតផលក្លែងក្លាយ។ ឧទាហរណ៍ដូចជា៖ សម្បក ឆ្នាំងសាក ឬកាសជាដើម។ ខាងក្រោមនេះគឺជាវិធីសាស្ត្រ ចំណាំឆ្នាំងសាក iPhone ពិតឬក្លែងក្លាយ៖
រូបខាងឆ្វេងជាឆ្នាំងសាកពិតព្រោះអក្សរដែលបោះពុម្ពនៅលើឆ្នាំងសាកពិតគឺមិនសូវច្បាស់និងពិបាកអាន។ ចំណែករូបខាងស្តាំគឺក្លែងក្លាយព្រោះអក្សរច្បាស់ និងអាចអានបានយ៉ាងរលូនតែអក្ខរាវិរុទ្ធភាគច្រើនសរសេរខុសឧទាហរណ៍នៅក្នុងរូបភាពខាងលើដូចជាពាក្យ (Designed) និង (Equipment) ជាដើម។
ឆ្នាំងសាកពិតនៅរូបឆ្វេងអាចដាក់បញ្ឈរបាន។ ចំណែករបស់ក្លែងក្លាយរូបខាងស្កាំមិនអាចដាក់បញ្ឈរបាននោះទេ។
រូបខាងឆ្វេងជាឆ្នាំងសាកពិតព្រោះរន្ធសម្រាប់ដោតខ្សែ USB ផ្សំឡើងពីដែកហើយមាន pin ពីរដែលមាន រូបរាងទ្រវែងនិងចុងស្រួចរាងត្រីកោណ។ ចំណែករូបខាងស្ដាំគឺក្លែងក្លាយព្រោះ pin ទាំងពីរមានកម្រាស់ស្ដើងនិងចុងស្រួចរាងមូល។
រូបខាងឆ្វេងជាឆ្នាំងសាកពិតព្រោះវាបានភ្ជាប់មកជាមួយរន្ធរាងចតុកោណនៅក្នុងស្រទាប់ដែកដែលក្រាលនៅផ្ទៃខាងក្នុងនៃរន្ធសម្រាប់ដោតខ្សែ USB។ ចំណែកឆ្នាំងសាកក្លែងក្លាយបានភ្ជាប់មកជាមួយរន្ធរាងបណ្ដោយទ្រវែង៕
0 comments:
Post a Comment