និយាយពី Smartphone Xperia Z2 មុន ដែលម៉ូដែលនេះជាទាយាទថ្មីបន្តពី Xperia Z ដែល Sony បានចេញកាលពីឆ្នាំមុន។ អេក្រង់ Xperia Z2 ទំហំ ៥,២អ៊ីញប្រភេទ Triluminous IPS ស្មើនឹងបច្ចេកវិទ្យា Bravia ដែលបានបំពាក់លើទូរទស្សន៍របស់ Sony សព្វថ្ងៃ។ រីឯកាមេរ៉ាត្រូវបានអភិវឌ្ឍឡើងដល់គាំទ្រ 4K video recording ក្នុងកម្រិត 30fps ទំហំ 20.7MP សមត្ថភាព1/2.3″ sensor ជាមួយ 27mm G Lens និង f/2.0 aperture។ បំពាក់ដោយ chip processor ជំនាន់ថ្មីរបស់ Qualcomm គឺ Snapdragon 801 4-core Krait 400 ល្បឿន 2.3GHz និងមាន RAM ទំហំ 3GB។ មាន ៣ពណ៌គឺខ្មៅ ស និង ស្វាយ។
Xperia Z2 មានរាងស្ដើងជាង និងវែងជាង Xperia Z1 បន្តិច។ រីឯកម្រិតថាមពលថ្ម 3200mAh មានទម្ងន់ ១៥៨ក្រាម។ ចំណែកបច្ចេកវិទ្យាមិនចូលទឹក IP58 នៅតែមានដូចនៅលើនៅលើ Xperia Z ដែរ។ កំពូល Smartphone ថ្មីនេះនឹងមានលក់អំឡុងខែមីនា តម្លៃខ្ទង់ ១០០០ដុល្លារ។
ងាកមកមើលលក្ខណៈសម្បត្តិ Xperia Z2 ដែលជា Tablet ជំនាន់ថ្មីបន្ទាប់ពី Tablet Xperia Z វិញម្ដង។ Tablet ថ្មីនេះមានអេក្រង់ ១០,១អ៊ីញ full HD (1920 x1200px) បំពាក់បច្ចេកវិទ្យាអេក្រង់ចុងក្រោយរបស់ Sony Triluminos display ពណ៌ធម្មជាតិច្បាស់ល្អ Live Color LED plus X-Reality mobile picture engine។
Sony បានបំពាក់ chip របស់ Qualcomm Snapdragon 800 ប្រភេទ Quad-core ល្បឿន 2.3GHz Krait 400 មាន RAM 4GB Memory ម៉ាស៊ីនទំហំ 16GB អាចថែមកាត microSD។ កាមេរ៉ា Tablet ជំនាន់ថ្មីនេះទំហំ 8.1MP និងខាងមុខទំហំ 2MP ត្រូវបានក្រុមហ៊ុនបំពាក់បច្ចេកវិទ្យា Exmor RS sensor ជំនាន់ចុងក្រោយ រួមនិង HDR ផ្ដល់គុណភាពកាន់តែប្រសើរ។
ក្រុមហ៊ុនបានបែងចែង Tablet នេះជាពីរស៊េរីគឺមួយប្រើបានតែ Wi-Fi និងមួយទៀតអាចដាក់ស៊ីមប្រើបាន (LTE)។ ទាំងពីរស៊េរីមាន NFC, GPS, Bluetooth 4.0, microUSB 2.0 ហើយដំណើរការដោយ Android 4.4 KitKat ដូចគ្នា។ Xperia Z2 នឹងចេញលក់ជាមួយពណ៌ចំនួន ២ គឺខ្មៅ និងស ក្នុងខែមីនាខាងមុខ តែតម្លៃមិនត្រូវបានបញ្ជាក់នៅឡើយ។
តើប្រិយមិត្តយល់យ៉ាងណា ជាមួយ ៣ផលិតផលរបស់ Sony នៅ MWC ឆ្នាំនេះ? ៣ផលិតផលនេះអាច ស្ដារមុខមាត់សូនី ឲ្យរីកដូចគ្រាប់ជីឡើងវិញ បានឬទេ?
ប្រែសម្រួល៖ ឈុន ហួរ
ប្រភព & រូបភាព៖ gsmarena, gsmarena, gsmarena
0 comments:
Post a Comment